ബികോം വിദ്യാർഥി കൊണ്ടോട്ടിയിൽ ഫ്ളാറ്റിൽ മരിച്ച നിലയിൽ

കൊണ്ടോട്ടി | 06.04.24

ബികോം വിദ്യാർഥി കൊണ്ടോട്ടിയിലെ ഫ്ളാറ്റിൽ മരിച്ച നിലയിൽ. ആത്മഹത്യയെന്നു പ്രാഥമിക നിഗമനം. കൊണ്ടോട്ടി ഇഎംഇഎ കോളജിൽ ബികോം കംപ്യൂട്ടർ ആപ്ലിക്കേഷൻ മൂന്നാം വർഷ വിദ്യാർഥിയായ എറണാകുളം കോതമംഗലം സ്വദേശി വസുദേവ് (20) ആണു മരിച്ചത്.

മറ്റൊരു കോളേജിൽ പഠിക്കുന്ന ഇക്ബാൽ എന്ന വിദ്യാർഥിയും വസുദേവും കൊണ്ടോട്ടി മേലങ്ങാടിയിലെ ഫ്ളാറ്റിൽ ഒന്നിച്ചാണു താമസം. ഇക്‌ബാൽ ഇന്നലെ താമസിക്കാൻ എത്തിയിരുന്നില്ല. ഇന്നു രാവിലെ ഫ്ലാറ്റിൽ എത്തിയപ്പോൾ ആണ് വാസുദേവിനെ ആത്മഹത്യ ചെയ്ത നിലയിൽ കണ്ടെത്തിയത്. കൊണ്ടോട്ടി പൊലീസ് സ്‌ഥലത്തെത്തി. അസ്വാഭാവിക മരണത്തിനു പൊലീസ് കേസെടുത്തു.