കോഴിക്കോട്: മലബാറിന്റെ മനോഹര ശൈലി സിനിമയില്‍ ജനകീയമാക്കിയ നടന്‍ മാമുക്കോയ അന്തരിച്ചു.
മലയാള സിനിമയിൽ ഹാസ്യത്തിന്റെ വേറിട്ട ശൈലിയുമായി പതിറ്റാനടുകളോളം നിറഞ്ഞു നിന്ന നടൻ മാമുക്കോയ (76) യുടെ അന്ത്യം കോഴിക്കോട് സ്വകാര്യ ആശുപത്രിയിലായിരുന്നു.
കാളികാവ് പൂങ്ങോടിൽ സെവൻസ് ഫുട്ബോൾ ടൂർണമെന്റിന്റെ ഉദ്ഘാടനത്തിന് എത്തിയ മാമുക്കോയയെ ദേഹാസ്വാസ്ഥ്യത്തെ തുടർന്ന് വണ്ടൂരിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. തുടർന്ന് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു. തിങ്കളാഴ്ച മുതൽ തീവ്രപരിചരണ വിഭാഗത്തിൽ ചികിത്സയിലായിരുന്നു. ബുധനാഴ്ച ഉച്ചയ്ക്ക് മരിച്ചു.
